රොකට් ලෝන්චර් ගෙන යන නින්ජා බල්ලෙක් රුසියාවෙන්

රුසියාව විසින් රොකට් ලොන්චර් පිටෙ රැගෙන යන රොබෝ බල්ලෙක් එළිදක්වලා තිබෙනවා. ජනාධිපති ව්ලැඩිමීර් පුටින් රුසියාවේ ” army 2022″ අවි ප්‍රදර්ශනය අගෝස්තු 22 දක්වා මොස්කව් නගරයෙන් පිටත කුබින්කා හි දේශප්‍රේමී උද්‍යානයේදී ආරම්භ කළ අතර එහිදීයි RPG-26 පිටේ රැගෙන යන මෙම M-81 ninja බල්ලා එළිදක්වා තිබෙන්නේ.

රුසියානු ප්‍රවෘත්ති ඒජන්සිය වන RIA Novosti මගින් මෙම M-81 රොබෝ බල්ලා පිළිබද වීඩියෝවක් නිකුත් කර තිබෙනවා.

Video of the M-81 robot-dog armed with an RPG-26 at the Army 2022 defense expo. https://t.co/rUnwoCMoyS pic.twitter.com/BEDjnwstN0
— Rob Lee (@RALee85) August 15, 2022

මෙහි නිර්මාණකරුවන් පවසන්නේ මෙය M-81 රොබෝ පද්ධතියේ sample එකක් බවයි. ඒ වගේම මෙයට ඉලක්කගත වෙඩි තැබීම් සහ ආයුධ ප්‍රවාහනය කිරීමේ හැකියාව ඇති අතර, සිවිල් අවශ්‍යතා සඳහා හදිසි කලාප වල ඔත්තු බැලීම, සුන්බුන් හරහා ගමන් කිරීම සහ ඖෂධ බෙදා හැරීම සඳහා භාවිතා කළ හැකි බවයි.

කෙසේ වෙතත් the drive විසින් මේ පිළිබදව ගැඹුරින් සොයා බලා ඇති අතර ඔවුන් පවසන්නේ මෙම M-81 රොබෝ බල්ලා alibaba හී $2,700 වැනි මුදලකට ඇති Unitree Robotic’s UnitreeYushuTechnologyDog බල්ලාට සමාන බවයි.