සෑම් නැවතත් ප්‍රධාන විධායක ලෙස OpenAI වෙතට

Sam Altmen ව නැවත සේවයේ පිහිටු වීම සඳහා සමාගමේ ඇති වූ ප්‍රතිපත්තිමය එකඟතාවයකින් පසුව Sam Altman නැවතත් ප්‍රධාන විධායක ලෙස පැමිණීමට නියමිතව සිටිනවා.

Sam ව OpenAI සමාගමෙන් ඉවත් කිරීමත් සමග අභ්‍යන්තර කැළඹීම් ඇති වූ අතර OpenAI හී සේවකයන් 600 කට වැඩි පිරිසක් තර්ජනය කර තිබුණේ මණ්ඩලය විසින් Sam ව නැවත සේවයේ පිහිටුවා එම මණ්ඩලය ඉල්ලා අස් වන්නේ නැතිනම් ඔවුන් සියල්ලන්ම සමූහ වශයෙන් සමාගමෙන් ඉවත් වන බවටයි.

Everyone at @OpenAI is united. This is not a civil war. Unless Sam and Greg are brought back, there will be no OpenAI left to govern. https://t.co/d8rDZyFNy0
— Noam Brown (@polynoamial) November 20, 2023

ඒ අනුව OpenAI සමාගම විසින් මෘදුකාංග සමාගමක් වන SalesForce හී සම- ප්‍රධාන විධායක වන Bret Taylor ගේ සභාපතිත්වයෙන් යුක්ත නව ආරම්භක මණ්ඩලයක් ද පිහිටුවා තිබෙනවා. මෙම මණ්ඩලයට හිටපු එක්සත් ජනපද භාණ්ඩාගාර ලේකම් Larry Summers සහ Adam D’angelo ද ඇතුළත් වෙනවා. විශේෂත්වය වන්නේ Adam D’Angelo මීට පෙර Sam Altman ව ඉවත් කිරීම සඳහා ප්‍රකාශ කළ මුල් මණ්ඩලයේ සාමාජිකයෙක් ද වීමයි.

OpenAI සමාගම විසින් X හී නිවේදනයක් නිකුත් කරමින් පවසා සිටියේ Bret Taylor, Larry Summers සහ Adam D’angelo යන නව ආරම්භක මණ්ඩලයක් සමගින් ප්‍රධාන විධායක නිළදාරී ලෙස Sam Altman ව නැවත OpenAI වෙත ගෙන ඒම සඳහා ඔවුන් ප්‍රතිපත්තිමය එකඟතාවයකට පැමිණි බවටයි.

We have reached an agreement in principle for Sam Altman to return to OpenAI as CEO with a new initial board of Bret Taylor (Chair), Larry Summers, and Adam D'Angelo.
We are collaborating to figure out the details. Thank you so much for your patience through this.
— OpenAI (@OpenAI) November 22, 2023

එසේම Altman ද X හී පළ කර තිබුණේ OpenAI වෙත පැමිණීම සඳහා ඔහු බලාපොරොත්තු වන බවටයි.

i love openai, and everything i’ve done over the past few days has been in service of keeping this team and its mission together. when i decided to join msft on sun evening, it was clear that was the best path for me and the team. with the new board and w satya’s support, i’m…
— Sam Altman (@sama) November 22, 2023

Sam Altman ඉවත් කිරීමත් සමග ඔහුගේ සගයා වූ සමාගමේ සභාපති වූ Greg Brockman විසින් සිය ධූරයෙන් ඉල්ලා අස් වූ අතර නැවත Sam ගේ පැමිණීමත් සමග Brockman ද OpenAI සමාගමට බඳවා ගෙන තිබෙනවා. ඔහු X හී සඳහන් කර තිබුණේ අපි ආපසු පැමිණියෙමු යනුවෙනුයි.